ನನ್ನ ಮಗನ ಮದುವೆ

ಬೆಳಿಗ್ಗೆ ಎದ್ದು ನನ್ನ ಮುಂದೆ ನಿಂತ ನನ್ನ ೯ ವರ್ಷದ ಮಗ, "ಅಪ್ಪ ನನಗೆ ಶ್ರೇಯಾ ತುಂಬಾ ಇಷ್ಟ, ನಾನು ಮದುವೆ ಆದ್ರೆ ಅವಳನ್ನೇ. ಅವಳಿಗೂ ನನ್ನ ಕಂಡ್ರೆ ಇಷ್ಟ" ಅಂದ. ಅವನ ಮಾತು ಕೇಳಿ ಒಂದು ನಿಮಿಷ ನಕ್ಕು, ಸರಿ ಮದುವೆ ಮಾಡಿಸ್ತೀನಿ ಬಿಡು ಅಂತ ಉತ್ತರ ಕೊಟ್ಟೆ. ಒಂದು ಕ್ಷಣ ಯೋಚಿಸಿದೆ ಇದು ಕೇವಲ ಆಕರ್ಷಣೆ ಇರಬಹುದು ಸ್ವಲ್ಪ ದಿನ ಕಳೆದ ಮೇಲೆ ತಿಳುವಳಿಕೆ ಮೂಡಿ ತಾನೇ ಎಲ್ಲ ಸರಿ ಹೋಗುತ್ತೆ ಅಂದುಕೊಂಡೆ. ನನ್ನ ಮಗ ಕೂಡ ನನ್ನಂತೇ ತುಂಬಾ ಹಟವಾದಿ. ಕೊನೆಗೂ ನಾನು ಅಂದುಕೊಂಡಿದ್ದು ತಪ್ಪು ಅಂತ ನಿರೂಪಿಸಿಬಿಟ್ಟ. ಇವತ್ತು ನನ್ನ ಮಗನ ಮದುವೆ, ಹುಡುಗಿ ಯಾರು ಗೊತ್ತಾ, "ಶ್ರೇಯಾ"ನೇ. ಏನಿದು ನಾನು ಬಾಲ್ಯ ವಿವಾಹ ಮಾಡ್ತಿದ್ದೀನಿ ಅನ್ಕೊಂಡ್ರ ? ರೀ ನನ್ನ ಮಗನಿಗೆ ಈಗ ೨೫ ವರ್ಷ, ೧೬ ವರ್ಷದಿಂದ ಪ್ರೀತಿಸುತ್ತಿರೋ ಹುಡುಗಿ ಜೊತೆ :)